تركيب الدعامة واهميتها لصحة القلب

يمن تريبيون29فبراير2024م

هل تعلم خطورة انك تكون محتاج دعامة وما تركبهاش؟

🌼 اولا لازم تعرف ان مش اي مريض بيعمل قسطرة بيركب دعامة.. لان القسطرة هي مجرد وسيلة لتصوير الشرايين التاجية.. يعني لمجرد التشخيص او الاستكشاف

🌼 وبعد ما بنصور الشرايين بالقسطرة.. بنشوف الكوليسترول المترسب علي جدار الشرايين.. عامل ضيق نسبته كام في المية.. واماكن وجوده.. ومدي مسؤليته عن اعراض المريض

🌼 بمعني ان ممكن الاقي ضيق ٩٠ ٪ وماركبش دعامة.. زي لو كان الضيق في اخر جزء من الشريان.. والشريان خلاص اعطي كل فروعه.. او ضيق في شريان فرعي قطره صغير.. او ضيق في شريان بيغذي عضلة قلب متليفة

🌼 ولو القسطرة مش كافية لتحديد اهمية الشريان وانه سبب الاعراض فوقتها بنعمل وسائل اخري تاكد القرار.. زي المسح الذري وقسطرة IVUS وقسطرة IFR 

🍒 لكن لو ضيق شديد في اول او منتصف شريان رئيسي وما ركبتش فيه دعامة.. فانت كده بتعذب نفسك بالام الذبحة الصدرية.. وبتعرض عضلة القلب للضعف او التليف.. وكمان بتعرض نفسك لخطر الجلطة المكتملة داخل الشريان التاجي ودي ممكن تؤدي للوفاة.. عشان كده وقتها بنستعمل قسطرة للتوسيع والدعامة بدلا من قسطرة التشخيص في دقائق معدودة في اغلب الحالات

🍒 عشان كده لازم تعرف ان الدعامة حاجة مفيدة ليك ولصحتك وفي حالات الجلطات بتكون الدعامة انقاذ للحياة. 🍒 يعني مجرد شكة ابرة وبلا ألم..

كافية انه تمنع الم الصدر اللي بيجيلك وبيمنعك من ممارسة حياتك الطبيعية وليها فوائد اخري زي:

🌻 حماية عضلة القلب من الضعف او التليف

🌻 تحسين العلاقة الزوجية اللي اتاثرت بسبب خلل الدورة الدموية بعد ضيق الشرايين التاجية

🌻 حمايتك من الجلطة اللي تمثل خطر علي الحياة

🌻 انقاذ حياتك لو حصل جلطة حادة في الشريان التاجي

🌻 بديلة لجراحة القلب المفتوح في احوال كثيرة

🍒 القسطرة والدعامات يعتبروا من اعظم اختراعات الطب.. لانها عملية ليس بها جراحة ولا غرز ولا ألم ولا جهاز تنفس صناعي..ومدة العمليه في اغلب الحالات من ١٠ ل ٢٠ دقيقة.. وبتقعد مجرد ساعات وليس ايام بالمستشفى .. وتاثيرها عظيم علي صحتك الجسدية والنفسية

حفظكم الله 💜

#معلومة_في_ثوان

شير ليستفيد غيرك

🌻 ده رابط رقم الواتس.. اضغط عليه. للعنوان بالقاهرة مصر وتفاصيل حجز العيادة او القسطرة

 ٠٠٢٠١٢٧٨٢٩٢٤٥٦

https://wa.me/message/SNS4Y4V2Q36YG1